Sherlock 

SHERLOCK - ლეგენდარული დეტექტივის- შერლოკ ჰოლმსისა და მისი თანაშემწის -დოქტორ უოტსონის თანამედროვე ბრიტანული ინტერპრეტაცია. ტელეარხმა BBC პირველივე სეზონიდან მიაჯაჭვა ტელეეკრანებს მაყურებლები. შერლოკ ჰოლმსის სულ სამი სეზონი არსებობს, პირველ და მეორე სეზონი 3-3 სერიაა, მესამე სეზონიდან კი ჯერ მხოლოდ 2 სერიაა გამოსული. მიუხედავად სერიების სიმცირისა, შერლოკ ჰოლმსის ტელეეკრანიზაციას უამრავი მაყურებელი და თაყვანისმცემელი ჰყავს. გთავაზობთ მცირე ინფორმაციას, GIF ანიმაციებსა და ფოტოებს

სერიალიდან  Sherlock

ბრიტანული სატელევიზიო სერიალი ართურ კონან დოილის ლეგენდარული შერლოკ ჰოლმსის დეტექტიურ მოთხრობათა კრებულის ეკრანიზაციია. თითოეული სერია 90 წუთიანია და თითოეული მათგანი ერთმანეთისგან განსხვავებული კრიმინალური დანაშაულების გამოძიებას ეხება. სიტუაცია ვითარდება თანამედროვე, 21-ე საუკუნის ლონდონში, ბეიკერ სთრითზე, სახლი ნომერი - 221B. ყოველ სერიას აქვს თავისი სპეციფიკური სათაური, რომელიც მიგვანიშნებს იმ დანაშაულზე, რომლის განხილვასაც შეეცდებიან შერლოკი და მისი თანაშემწე. 

ეპიზოდურად, სერიალში 'გაიელვებენ' ახალ-ახალი პერსონაჟები, თუმცა ძირითადი შემადგენლობა ასეთია: 
შერლოკ ჰოლმსი - ბენედიქტ კამბერბეთჩი/Benedict Cumberbatch
დოქტორ უოთსონი - მარტინ ფრიმენი/Martin Freeman
მისის ჰადსონი - უნა სთუბსი/Una Stubbs
ჯიმ მორიარტი - ენდრიუ სკოტი/Andrew Scott
მაიკროფტ ჰოლმსი - მარკ გატისი/Mark Gatiss

მათთვის, ვისაც უყვარს დეტექტიური ჟანრი, ლეგენდარული დეტექტივი და მისი თანაშემწე, ჩახლართული და ამოუცნობიკრიმინალური დანაშაულები, ეს სერიალი ზედგამოჭრილია. 

სერიალში დოქტორ უოთსონი აწარმოებს ბლოგს, სადაც წერს თითოეული გახსნილი საქმის შესახებ. ეს ბლოგი მართლაც არსებობს სერიალში არსებული პერსონაჟების კომენტარებთან ერთად. 


ბენედიქტ კამბერბეთჩი/Benedict Cumberbatch

მთავარი როლის შემსრულებელია სწორედ ის მთავარი ელემენტი, რამაც ასეთი პოპულარული გახადა სერიალი. სპეციფიკურმა გარეგნობამ, შესაშურმა მსახიობურმა მონაცემებმა, დამახასიათებელმა და ორიგინალურმა დეტალებმა, რომელიც ბენედიქტმა შერლოკის პერსონაჟს 'დაუმატა' და მას თანამედროვე სული შთაჰბერა. 

37 წლის მსახიობს სახის განსხვავებული, უცნაური ნაკვთებისა და დამახასიათებელი შარმისა და ქარიზმის გამო ზედმეტსახელი ' სექს-სიმბოლო ცხენის სახით' უწოდეს. მართლაც ბენედიქტმა დაამტკიცა, რომ Brainy- Is New Sexy. ბენედიქტი სულ ცოტა ხანში გახდა უამრავი ქალის გულთამპყრობელი. 

შერლოკის დამახასიათებელი მთავარი თვისებები - დეტალებისადმი საოცარი ყურადღება, ჩახლართული დანაშაულებისუმოკლეს დროში გამოძიება, დამახასიათებელი მიმიკა, პალტოს საყელოს წამოწევა, მსახიობური ნიჭი გამოძიების დროს, და რა თქმა უნდა შარფის მოსხნის ტრადიციად ქცეული მიმიკა:

ენდიუ სკოტი/Andrew Scott

მარტინ ფრიმენი/Martin Freeman

დოქტორ უოთსონი - ექიმი და ჯარისკაცი, რომელიც ახლახანს დაბრუნდა ავღანეთიდან და დასახლდა შერლოკთან ერთად ლონდონში, ბეიკერ სთრითზე. სწორედ ის ხდება შერლოკი საუკეთესო მეგობარი და თანაშემწე, ისინი ერთად ბევრ ფათერაკში გაეხვევიან და ამით მათი მეგობრობა კიდევ უფრო ძლიერდება. პირველ სერიებში არის კომიკური სიტუაციები და სასაცილო ფრაზები, რომლებიც მათ ორიენტაციას და მეგობრობას ეჭქვეშ აყენებს, თუმცა არც ერთი მათგანი არ არის გეი.