ამანდამ სამსახიობო კარიერა დაიწყო 1995 წელს 9 წლის ასაკში, ხოლო სამოდელოს 11 წლის ასაკში, მისი სამსახიობო დებიუტი სერიალ „გზამკვლევ ვარსკვლავში" შედგა. 2000 წელს ლუსი მონტგომერის როლი ითამაშა ფილმში „დედამიწა რაზეც დგას". ჯერ კიდევ მოზარდი ფრანსინ პასკალის სამი წიგნის გარეკანზე მოხვდა.

2004 წელს საიფრიდის კარიერაში ნამდვილი წინსვლა დაიწყო, როდესაც კარენ სმიტის როლი ითამაშა - ერთ-ერთი „ბაუნტი" გოგონასი პოპულარულ ფილმში «საძაგელი გოგონები». მას პარტნიორობა გაუწიეს რეიჩელ მაკდამსმა და ლინდსი ლოჰანმა, რომელთათვის ეს ფილმი ასევე წარმატებული აღმოჩნდა.

2005 წელს საიფრიდს მთავარი როლი ერგო კინოფილმ „ცხრა ცხოვრების" ერთ-ერთ ნაწილში. გამოჩნდა მეორეხარისხოვან როლებში სერიალებში „ექიმი ჰაუსი", „სამართლიანობა", „კანონი და წესრიგი".

ერთ-ერთი ყველაზე წარმატებული ფილმი იყო „მამა მია!", მიუზიკლი, რომელიც ლეგენდარული ABBA-ს სიმღერების მიხედვით შეიქმნა და მასში ამანდას პარტნიორობა თვით მერილ სტრიპმა და პირს ბროსნანმა გაუწიეს.