4:59 PM Dear Diary ❤ ❤ ❤ | |
 ალბათ არ არსებობს ზრდასრული ქალი, რომელიც დღიურს არ აწარმოებდა. დღიურში ზოგიერთები წერენ თავიანთ ყოველდრიურ ცხოვრებას, ზოგი-მხოლოდ განსაკუთრებულ დღეებს, უმეტესობა, მათ შორის მეც, თავის განცდებს, გრძნობებს, აყალიბებს დამოკიდებულებას მოვლენის ან პიროვნების შესახებ.  დღიური ძალიან დიდ ფსიქოლოგიურ დახმარებას უწევს ადამიანს, განსაკუთრებით გარდატეხის ასაკში, მოზარდებისთვის ძალიან სასარგებლოა მისი ქონა, რომლებსაც უჭირთ ურთიერთობა და არიან საკუთარ თავში ჩაკეტილები, რადგან ასეთი ადამიანები ხშირათ კარგავენ მეგობრებს, დღიური კი ისეთი მეგობარია რომელიც არასდროს მიგატოვებს და გიღალატებს.  იმ ადამიანებს რომლებიც დღიურს აწარმოებენ, უფრო ადვილად შეუძლიათ გაანალიზონ და აღიარონ საკუთარი შეცდომები: ჯერ საკუთარ თავთან და შემდეგ სწავლობენ აღიარებას და ბოდიშის მოხდას სხვებთანაც. დღიური ბევრ ადამიანს უწევს მოძღვარის და ფსიქიატრის მაგივრობას, რა თქმა უნდა მხოლოდ ნაწილობრივ. მას არ შეუძლია მისცეს პატრონს რჩევა და ასწავლოს როგორ მიიღოს სწორი გადაწყვეტილება. მიუხედავად ამისა, ის გვაძლევს საშუალებას, რომ ადამიანმა გადახედოს თუ რა დაწერა ,,ცხელ გულზე" და გაანალიზოს სწორი იყო თუ არა  დღიურთან ადამიანი პოულობს ,,მეორე მეს", ე. წ. ალტერ ეგოს რაც ადამიანს ეხმარება საკუთარი თავის უკეთ გაცნობაში. შენი თავის გაცნობა დაგეხმარება გაიგო შენს დადებით და უარყოფით მხარეებზე. რადგან გეცოდინება ყველა უარყოფითი მხარე და ცოდვა, ადვილად შეძლებ გამოასწორო ჩადენილი დანაშაული და შენთვის სასურველი თვისებები, რაც გაკლია, გამოიუშაო, ხოლო მიუღებელი თვისებები ამოშალო და ყველასათვის სასურველი შენ გახდე. საზოგადოება დააფასებს ადამიანის კარგისკენ რადიკალურ შეცვლას.  ❀ როგორ გავაფორმოთ დღიური ❀ 1. გააკეთე წარწერა დღიურის ყდაზე. დღიურის ყდაზე მარკერით დააწერე შენი სახელი ან წარწერა "Diary". ამის გაკეთება ფერადი ფურცლებითა და წებოთიცაა შესაძლებელი. გამოჭერი ასოები და დააკარი ყდაზე. ასოები შეგიძლია ჟურნალებიდანაც ამოჭრა. ასევე შეგიძლია ყდას შენი სურათიც მიამაგრო, ოჯახთან და მეგობრებთან ერთად. 2. გამოიყენე ბრჭყვიალა პასტები, სტიკერები, ამოჩერი ლამაზი დეკორაციები სხვადასხვა ბარათებიდან, სურათები ჟურნალებიდან. ჩააკარი მასში კინოსა და კონცერტის ბილეთები. წინა ყდაზე შეგიძლია რაიმე ნახატიც განათავსო.  3. ყდის გასაფორმებლად შეგიძლია სხვადასხვა ფაქტურის ნაჭრებიც გამოიყენო, ლენტებით კი ბაფთა გაუკეთო.  4. ყდის და არამარტო ყდის გასაფორმებლად შეგიძლია დაპრესილი ყვავილებიც გამოიყენო.  5. დღიურის დაწყებისა და დასრულების თარიღები აუცილებლად მიუთითე სადმე, წინა ან უკანა ყდაზე, ეს აუცილებლად გამოგადგება თუ რამდენიმე დღიური გაქვს.  6. წერის დროს სათაურების გაკეთებისთვის ჟურნალებიდან სხვადასხვა ზომის, ფორმისა და ფერის ასოები ამოჭერი.  აუცილებლად გააფორმე დღიურის ყოველი გვერდი. თუ ბევრი გაქვს საწერი, შეეცადე დეკორაციები კიდეებზე განათავსო. თუ სკოლაში რაიმე განსაკუთრებული მოხდა, ან უბრალოდ გინდა აღწერო შენი ჩვეულებრივი დღე, აუცილებლად ჩაწერე დღიურში. დღიური კარგად დამალე, განსაკუთრებით მაშინ, როდესაც უმცროსი ან უფროსი და/ძმა გყავს :) იმედია მოგეწონათ... კომენტარები არ დაიშუროთ... | |
|
| |
| სულ კომენტარები: 6 | ||||||||
| ||||||||
mec magar debilad mimachda tavi amis mere .ratom daviwye dgiuris wera?sul es kitxva miwrialebda tavshi. 
