Oscar Ladies - 20 ნოემბერში 2013 - საუკეთესო თინეიჯერული საიტი

მთავარი » » Oscar Ladies

2:45 PM Oscar Ladies
Oscar Ladies თვალი გადავავლოთ ძველ ჰოლივუდს და გავიხსენოთ ოსკაროსანი ქალბატონები და მათ მიერ შესრულებული კინო როლები ამერიკის კინოაკადემიის ისტორიაში ჯანეტ გეინორი პირველი ოსკაროსანი ქალბატონია. მსახიობს კინოხელოვნებაში ყველაზე პრესტიჟული ჯილდო 1927 წელს გადაეცა ფილმისთვის ,,მეშვიდე სამოთხე" (7th Heaven). რომანტიკული სურათი მოგვითხრობს პარიზში მცხოვრები კანალიზაციის თანამშრომლის და საწყალი გოგონას სიყვარულის ისტორიას. ,,მეშვიდე სამოთხე" ამ დრომდე ყველაზე შემოსავლიან უხმო ფილმად ითვლება. 1930 წელს ოსკარის ლაურეატია მერი პიკფორდი ფილმისთვის « Coquette ». სურათი ტრაგიკული ისტორიაა ახალგაზრდა გოგონას შესახებ - მას შეუყვარდა ადამიანი, რომელმაც ქორწინებისთვის გაწეული წინააღმდეგობის გამო საკუთარი მამა სასიკვდილოდ გაიმეტა. მესამე ოსკაროსანი მსახიობი ქალი გახდა ნორმა შირერი ფილმისთვის ,,გაყრა". მსახიობმა უიღბლო ცოლის როლი მოირგო, რომელსაც მეუღლე ღალატობდა. 1930 წელს, ფილმისთვის ,,მინი და ბილი", ოსკაროსანი ქალბატონია მერი დრესლერი. მსახიობმა სასტუმროს მფლობელის როლი შეასრულა, რომელსაც აყვანილი შვილის პატიოსნებისთვის უხდებოდა ბრძოლა. ფილმმა ,,ნაადრევი დიდება" (Morning Glory) კეტრინ ჰეპბერნს პირველი ოსკარი მოუტანა. სურათი ახალგაზრდა ქალბატონის ცხოვრებას ასახავს, რომელიც პატარა ქალაქიდან ნიუ-იორკში გადავიდა, რათა ცნობილი მსახიობი გამხდარიყო. 1935 წელს ბეტი დევისმა განასახიერა წარმატებული მსახიობი ქალი ფილმში ,,საშიში" (Dangerous), რისთვისაც მას აკადემიამ საუკეთესო მსახიობი ქალის ტიტული მიანიჭა. 1937 წელს ლუიზ რეინერმა თავისი პირველი ოსკარი მიიღო ფილმისთვის ,,დიდებული ზიგფელდი" (The Great Ziegfeld). კინოსურათი ბროდვეის თეატრალურ ცხოვრებას ასახავს. მომდევნო წელს ლუიზ რეინერი მეორედ გახდა ოსკარის ლაურეატი როლისთვის ფილმში « The Good Earth » სადაც განთავისუფლებული მონა ქალის როლი მოირგო. ბეტი დევისმა მეორედ მიიღო პრესტიჟული ჯილდო ეგოისტი ლამაზმანის საუკეთესოდ შესრულებისთვის ფილმში ,,იეზებელ" (Jezebel) 1940 წელს ამერიკის კინოაკადემიის რჩეული საუკეთესო მსახიობი ქალბატონია ვივიენ ლი, სკარლეტ ოჰარას როლისთვის ფილმიდან ,,ქარწაღებულნი". 1941 წელს კინოხელოვნებაში ყველაზე პრესტიჟული ჯილდო ჯინჯერ როჯერსმა მიიღო ფილმისთვის ,,კიტი ფოილი" (Kitty Foyle). კინოსურათი კომპანიის დირექტორსა და მის ხელქვეითს შორის უთანასწორო ურთიერთობებს ასახავს. ჰიჩკოკის ფსიქოლოგიურმა ტრილერმა ,,ეჭვი" (Suspicion) ჯოან ფონტეინს მოუტანა ოსკარი ლინას როლისთვის, რომელიც შეშფოთებულია ქმრის არაადეკვაური ქცევის გამო. გრირ გარსონმა, რომელიც შვიდჯერ იყო ნომინირებული ოსკარზე, პრიზის მოპოვება მხოლოდ ერთხელ შეძლო. 1944 წელს ის საუკეთესო მსახიობი გახდა ფილმისთვის ,,მისის მინივერი" (Mrs. Miniver). მან სოფლელი ქალბატონი განასახიერა, რომელიც სახლში გერმანელ სამხედრო პილოტს მალავდა. 1944 წელს საუკეთესო მსახიობი ქალია ჯენიფერ ჯონსი. ,,ბერნადეტის სიმღერა" (The Song of Bernadette) მეცხრამეტე საუკუნეში მცხოვრები ფრანგი თინეიჯერი გოგონას ბიოგრაფიული სურათია, რომელსაც ღვთისმშობელი ეცხადებოდა. მიუხედავად იმისა, რომ მსახიობი ,,კასაბლანკაში" შესრულებული მთავარი როლისთვის იმსახურებდა ტიტულს, ამერიკის კინოაკადემიამ ინგრიდ ბერგმანი პირველად , 1945 წელს, ფსიქოლოგიური ტრილერისთვის « Gaslight » დააჯილდოვა. მომდევნო წელს ოსკარის ლაურეატია ჯოან კროუფორდი ფილმისთვის « Mildred Pierce » კინოაკადემიამ ოლივია დე ჰავილენდი ,,ქარწაღებულნში" შესრულებული საუკეთესო მეორეხარისხოვანი როლისთვის პრიზის გარეშე დატოვა. 1947 წელს კი მან დაამტკიცა, რომ საუკეთესო მთავარი როლის შემსრულებელი ქალბატონია ფილმში « To Each His Own ». ლორეტა იანგმა, 1948 წელს, მიიღო ოსკარი ,,ფერმერის ქალიშვილში" შესრულებული მთავარი როლისთვის. სულელი ქერათმიანი ქალების თამაშის შემდეგ ჯეინ უაიმანმა დაამტკიცა, რომ კარგი დრამატული მსახიობიცაა. მან ყრუ - მუნჯის როლი მოირგო ფილმში ,,ჯონი მელინდა" და ოსკარიც დაიმსახურა. ოდრი ჰეპბერნმა, რომელიც თავისი კარიერის მანძილზე ხუთჯერ იყო ნომინირებული ოსკარზე, პრიზის აღება მხოლოდ ერთხელ შეძლო. მსახიობმა ,,რომაულ არდადაგებში" (Roman Holiday) პრინცესას როლი შეასრულა, რომელიც სამეფო ცხოვრებას გაექცა და თავი უბრალო ადამიანებს შეაფარა, სადაც ნამდვილი სიყვარული იპოვნა. ვივიენ ლი მეორედ გახდა აკადემიის ლაურეატი ფილმისთვის ,,ტრამვაი სახელად სურვილი" (A Streetcar Named Desire). მსახიობმა მარლონ ბრანდოსთან ერთად ითამაშა კინოსურათში, რომელიც მოგვითხრობს შუახნის მასწავლებლის ისტორიას, ის ახალგაზრდობაში გადატანილმა ტრაგიკულმა შემთხვევამ, უხეში, გაუნათლებელი სიძის ძალადობამ და მუდმივმა შეურაცხყოფამ ფსიქიკურ აშლილობამდე მიიყვანა. 1955 წელს ოსკაროსანი ქალბატონია გრეის კელი ფილმისთვის ,,სოფლელი გოგონა" (The Country Girl). მან ითამაშა ცნობილი მსახიობის ნაზი და საყვარელი მეუღლე, რომელიც შემოქმედებით კრიზისს განიცდიდა. 1958 წლის პრიზიორია ჯოან ვუდვორდი ფილმისთვის ,,ევას სამი სახე" (The Three Faces of Eve). მსახიობმა არაჩვეულებრივად მოირგო ფსიქიკურად დაავადებული ქალბატონის როლი, რომელსაც თავისი ქცევების გაკონტროლება უჭირდა. angel.ge
1 2 3 4 5 კატეგორია: News-სიახლეები \| ნანახია: 1359 \| დაამატა: Кате♡рина \| რეიტინგი: 5.0/1

სულ კომენტარები: 9

Comments display order:

	(2013-11-21 10:28 PM) * 9 YoungGal❤ [Entry] audrey<333 dslianmomewona