3:52 PM ვარდისფერი ოცნება | |
|
❤ PINK DREAM ❤  ოცნება სულის მდგომარეობაა,ის მდგომარეობა როცა სულს რამე ძალიან უნდა,ოცნებობს და თავის ოცნებებში იფანტება ვარდისფერი ოცნება მე ვოცნებობდი, ბევრს ვოცნებობდი დღეც, ღამეც... ჩემი ოცნებები ჩემი მეგობრები იყვნენ....  ერთდღესაც ოცნებამ ჩემთან ყოფნა არ მოინდომა, ან იქნებ მე არ მოვინდომე მასთან ყოფნ.. ყელში რაღაცა ბურთულასავით გაიჩხირა, თვალებს ცრემლი მოაწვა... და მე გავუშვი ჩემი ოცნება.  უღიმღამო ადამიანად ვიქეცი ადამიანად ოცნებების გარეშე.  მხოლოდ წარსულში დავიწყე ყურება, წარსულით ცხოვრება.  ჩემი ცხოვრება შავმა ფერებმა დაისაკუთრეს.  ოცნება ცაში აიჭრა, გაფრინდა, დამტოვა. გადაიფრინა მინდვრები, მთები გადაცურა ოკეანეები.  ხან ცაში დაფრენდა ხან ხმელეთზე მიაბიჯებდა მშვიდად.  უხაროდა ოცნებას თავისუფლება, ჩემი ახირებებიდან განთავისუფლება.  დანავარდობდა, ჰაერში ტრიალებდა თავის ბედნიერებას ყველას და ყველაფერს უზიარებდა: კლდეებს, ბალახს,მთებს...  უკან კი არ იხედებოდა.  ყველა ცდილობდა დაეჭირა მაგრამ ვერავინ მიწვდა.  უამრავ ადამიანს აუბნია თავგზა შემოიარა დედამიწა და გასცდა მის ფარგლებს..  ახლა მზის სისტემაში დაიწყო ბოდიალი,  მზე რომ დაინახა, შეკრთა არ დამწვასო და უკან დაიხია.  მოიარა ყველა პლანეტა  სულიერი რომ ვერავინ ნახა მოიწყინა და უკან დაბრუნდა ისევ მე მომიახლოვდა, მეც დავიჭირე და მაგრად მოვუჭირე ხელი.  თუმცა დაღლილიყო, გაფერმკრთალებულიყო, ის აღარ იყო რაც მე მინდოდა.  მე მაინც მოვუჭირე და აღარ გავუშვი ჩემი ოცნება, ჩემი ვარდისფერი ოცნება...  | |
|
| |
| სულ კომენტარები: 2 | |
|
| |
